Сизябск сиктлöн Благöвещенньö вичко. 1988 во. Павел Чиковлöн фото

Сизябск сиктын Благöвещенньö вичко стрöитöм заводитчис 1843 воын, но 1846 воын, крест лэптігöн, вичколöн юрйылыс уси. Лои дась сöмын 1854 воын. Изьва да Мокчой öтдор, Сизябскын из вичкоыс кыптіс сёрöнджык, да и чужöмбаныс серасаджык. Нöшта сулалö бур местаын, нöрыс вылын.

Вичкоыс кöть и ичöтджык воддзаяссьыс, но тэчöма топыда, тшöтшногöн юкöма. Вевттьöма сводйöн. Вевтыс нёль сигöра. Мöд судтаас öшиньясыс абу прамöйöсь.

Öблик сертиыс вичко лöсялö аслас кадся архитектуралы, но эм стöчмöдантор, код серти позьö шуны, мый стрöйбаыс вермис кыптыны сöмын Войвылын – тайö öшиньяслöн аслыспöлöслун. Öшинь туйяссö мичмöдöны изъяса карнизъяс. Дерт, оз позь öткодявны Войвывса еджыд изйысь стрöйбаяскöд, но традицияыс локтö сэсянь. Вичко вöчысьяс тöдісны Устюглысь да Сольвычегодсклысь серъяссö, а, гашкö, и асьныс вöліны тайö муяссьыс – сы вöсна мый Изьва вылын изйöн ноксьысь мастеръясыс эз вöвны.

          Благовещенская церковь в селе Сизябск, фото Ю. Д. Рыбаковлöн