Куратов нима улича, 15

IMG_1465.jpgСыктывкарын эм кирпичысь кык важ керка, лэптöма XIX-öд нэм помын – XX-öд нэм пансигöн тöдчана Кузьбожевъяс купечъясьясöн. Вокъяс ньöбалiсны да выль пöв вузавлiсны сиктса видз-му овмöсын быдтöмторъяс, асьныс мыйсюрö быдтiсны, Усть-Сысольскын налöн вöлiны жытникъяс. Кыкнан керкаыс – кык судтаа, вылын öшиньяса. Лоöны история да культура памятникъясöн, видзö канму.

Куратов нима уличаын сулалысь керкасö 1896-öд воö лэптöма Аифаил Кирьякович Кузьбожев, вокъяс пиысь медся озырыс, вайлöма тöвар да вузасьлöма, сылöн вöлöма пызь вöчан завод.

История да культура памятник А.И. Кузьбожевлöн керка, 1896. Видзö канму. Пöвсö пуктöма 2006-öд воö.

Кодлöн керка проектыс, абу тöдса. Веськыд пельöсъяса керка, нёль ската шатёр сяма вевта, артмис мичаöн, сы вöсна мый озыра мичмöдöма. Судтаяс костас эмöсь фигурнöй карнизъяс, мöд судтаас арка öшиньяс. Öшиньяссö быттьö кöрöма наличник сямöн тэчöм кирпичöн. Керка пельöсъяссö мичмöдöма пилястраясöн.

Кузьбожевъяслысь керкаяссö национализируйтöм бöрын керкалöн кöзяинъясыс ёна вежласисны. Öнi тайö керкаын Комирыба управление.

Источник: Дом родной, знакомый с детства: экскурсия-путешествие по городу Сыктывкару/ Центральная городская библиотека.- Сыктывкар, 2006. – 188 с.