Православнöй школа

Сöветскöй улича, 45

Дом мещанина Шарапова А.Е. Фото Саврасовой.jpgИстория да культура памятник, А.Е. Шараповлöн керка 1910-1912 вояс. Видзö канму. Пöвсö пуктöма 2006-öд воö.

А.Е. Шарапов чужöма 1880-öд воö Уст-Сысольскса уездлöн Койгорт вöлöсьтса Вадор грездын уна челядя крестьянин котырын.

1910-öд воö босьтчö карса олысьяс отсöгöн лэптыны кык судта выль керка. 1912-öд воö стрöйба лэптöма вевт улö, пытшсö помалiсны вöчны 1917-öд воö.

Гражданскöй война кадö вылыс судтаас олiсны РККА юкöнъяс, 1919-öд восянь танi вöлi II тшупöда школа. 1922-öд вося сентябрын керкалöн кöзяин да обласьтса народнöй образование юкöн сёрнитчисны, мый вылыс судтаас да улыс судта джынъяс лоас I тшупöда школа. 1922-öд воö стрöбасö босьтiс муниципалитет. 1027-öд воö Шараповöс керкасьыс вöтлiсны. Недыр танi вöлi школа, сэсся 1-öд № ясли-сад.

1997-öд восянь Шараповлöн керкаын лои Православиелöн школа.

Шарапов керкалöн тöдчанлуныс сыын, мый сiйö XIX-öд нэмпомся-XX-öд нэм заводитчандырся кадлы лöсялана, пыранiн весьтын балкона, ыджыд стрöйба. Колана сылöн кар стрöитан тöдчанлуныс, сы вöсна мый сiйö видзö уличаяс вомöнасьöмын инсö, карлысь медводдза (1783) планöн лöсьöдöм тэчассö.

Источник: Дом родной, знакомый с детства: экскурсия-путешествие по городу Сыктывкару/ Центральная городская библиотека.- Сыктывкар, 2006. – 188 с.