К. Маркс улича, 212

Башняöн да енэжлась веськöдчöм шпильöн лэптöма 1959-öд воö Москваса «Академпроект» институтса котыр проект серти.

Вичко лэптан традициялы лöсялан кöкъямыс пельöса башнясö архитекторъяс шуисны «четверик вылын восьмерик». Керкаын лöсьыда йтöма некымын стильлысь юкöнъяс. Шпиль вылö видзöдiгöн казьтывсьö Петр I кадся барокко. Медводдза судтаас аркаа ыджыд öшиньяс сетöны стрöйбаыслы классицизм стия дворечлысь этш. Аслыпöлöсöн вöчö керкасö и шпиль, и юркытш кöран эмблема, и эркеръяс, и башняын векни нюжмöс öшинь розьяс, и керка мыгöрыслöн стрöг мичыс – ставыс ышöдö нимкодясьны.


Стрöйбаын, магазин кындзи, эм карлöн архитектурно-планировочнöй мастерскöй да художествоа мастерскöй. Ыджыдджык юкöнас олöны йöз. Керкасö лэптöма Коми наука шöрин корöм серти, танi олöны уна тöдчана туялысь, Коми Республикаса культураын уджалысь.

Источник: Дом родной, знакомый с детства: экскурсия-путешествие по городу Сыктывкару/ Центральная городская библиотека.- Сыктывкар, 2006. – 188 с.