Сöветскöй улича, 13

История да культура памятник

В.И. Ленин нима библиотека 1954-1957 вояс

Архитекторъяс – Лопатто, Лысяков, Тентюкова Ф.А. отсасигöн

Видзö канму

Пöв пуктöма 2006-öд воö.

Республикаса библиотекалысь стрöйбасö кöсйылiсны заводитны лэптыны 1952-öд воö пöжарнöй депокöд орччöн – кык судтаа олан керка инын. Водзын сiйö вöлi А.А. Цемберлöн – велöдысьлöн, туялысьлöн, краеведениеысь музейлы подув пуктысьöн.

Водзвыв вöлi видлалöма некымын проект, но бöрйисны Лысяков да Лопатто архитекторъяслысь. 1953-öд воö проектыс вöлi вежыштöма А.Т. Ростовский юрнуöдöм улын Коми республикаса архитектурнöй контораöн – содтöма ыджыд колоннада.

Библиотека кыпыда воссис 1958-öд вося апрель тöлысьö, та дырйи нуöдiсны карса олысьяслысь митинг да сетiсны В.И. Ленин ним.

1991-öд воö библиотекалысь стрöйбасö кутiс видзны канму кыдз регионса тöдчанлуна архитектура памятникöс. 1992-öд воö библиотекалы сетöма «Национальнöй» тшупöд.

Стрöйбалöн тшупöдыс содiс Коми Республикаса Юрнуöдысьлöн Указ петöм бöрын (01.02.1999, 27-öд №): Коми Республикаса национальнöй библиотека вöлi пыртöма торъя тöдчана культура достояние да наследие объектъяслöн Республикаса сводö.

Источник: Дом родной, знакомый с детства: экскурсия-путешествие по городу Сыктывкару/ Центральная городская библиотека.- Сыктывкар, 2006. – 188 с.