Коми Республикаса Национальнöй музей

Вöр-ва юкöн

Коммунистическöй улича, 6

История да культура памятник

Кузьбожевъяслöн вузасян керка 1912 во

Видзö канму

Пöв пуктöма 2006-öд воö

Кузьбожевъяслöн вузасян керка – революцияöдзса Усть-Сысольсклöн медмича стрöйбаяс пöвстын, баныс мичмöдöма «модерн» стиля юкöнъясöн.

1901-öд воö II гильдияса купеч Д.К. Кузьбожев ньöбис Усть-Сысольск кар шöрысь му юкöн. 1911-öд воö корса управалы вöлi сетöма план да петкöдлöма кык судта из керкалысь бансö (план местаыс 308 № карлöн 17-öд кварталын). 1912-öд воö керкасö вöлi лэптöма. Улыс судтаас лои вузвсянiн, мöд судтаас вöлiны оланiнъяс. Купечлöн дöва Александра Фёдоровна Пётр да Михаил пияныскöд лöсьöдöны фирма «Дмитрий Кирьякович Кузьбожевлöн вузасян керка да рöдкутысьяс», ньöбöны да вузалöны Усть-Сысольскса уездысь нянь, сёян-юанторъяс, бакалея тöвар, вый да мукöдтор.

Гражданскöй война кадö Кузьбожев купечьяслысь эмбурсö национализируйтiсны. 1918-öд воö кык судтаа из керкаö «овмöдчис» РКП (б)-лöн Усть-Сысольск уездса комитет, 1921-27-öд воясö тайö керкаын вöлi ВКП (б)-лöн Коми обласьтса комитет, сёрöнджык – партиялöн горком. 1960-70-öд воясö стрöйбаас вöлi «Спорттовары» магазин. 1970-1992-öд воясö Кузьбожевъяс керкаын лоисны республикаса Художественнöй музейлöн экспозиция залъяс, а 1993-öд восянь танi Коми Республикаса Национальнöй музейлöн администрация да вöр-ва юкöн.

Стрöйбасö кыдз архитектура памятник видзö канму.

Истоник: Дом родной, знакомый с детства: экскурсия-путешествие по городу Сыктывкару / Центральная городская библиотека.- Сыктывкар, 2006. – 188 с.