Национальнöй музей. История юкöн

Ленин нима улича, 57

История да культура памятник

Земство уездса управа 1912-1914 вояс

Стрöйбасö содтöма 1923-27-öд воясö Коми Облисполком да ВКП (б)-лöн Коми Обком улö

Видзö канму

Пöв пуктöма 2006-öд воö

Стрöйбасö лэптöмаöсь земскöй управалы. Индöм му юкöнсö земство ньöбöма 1887-öд воö В.М. Латкинлысь, уездса управалöн вöвлöм юрнуöдысьлысь, карын пыдди пуктана мортлысь.

1912-öд вося май 14-öд лунö вöлi вынсьöдöма подрядчик М.Л. Морозовкöд сёрнитчöмсö. Но кутшöмкö помкаяс понда уджыс сувтöма. Водзö уджыс кутiс мунны сöмын 1923-öд воö.

1927-öд воö керка лэптiсны, вылыс судтаас лоис партиялöн Коми обком, улысас – Областнöй исполнительöй комитет.

1961-öд восянь танi вöлi Горздравотдел, сэсся Коми АССР-лöн историко-краеведческöй музей.

Керка стенын пуктöма Перымса Стефанлöн барельеф.

1991-öд вося сентябр 24-öд лунö Коми АССР-са Министръяслöн Сöвет пыртiс тайö стрöйбасö история да культура памятникъяс лыдö да босьтiс канму видзöм улö.