Пытшкöсса уджъяс Министерстволöн стрöйба

Киров нима улича, 38

mvd.jpgКиров нима улича кузя лэптöм кар мичмöдан стрöйбаяс пиын тайö керкаыс торъялö архитектуранас.

Проектлöн авторыс – А.В. Зикеев..

1938-öд воö лэптöм керка ыджыд – нюжалöма пöшти квартал кузьта да артмöма некымын юкöнысь. Шуйгаладорыс тöдчана сiйöн, мый лэптöма XIX-öд нэмлöн мöд джынйын. Сэк Усть-Сысольскын вöлiны ёнджыкасö пу керкаяс, сöмын купечьяс вермисны аслыныслы лэптыны изйысь керкаяс, татшöмыс вöлi этша. Кык судтаа олан керка, НКВД стрöйбалöн юкöн (öнi МВД), водзын вöлi купеч Суворовъяс рöдлöн. Та кындзи, НКВД-лы нёль судтаа стрöйба лэптöма мöд кирпич керкалöн подув вылö. Тайö керкаыс коркö вöлi купеч А.И. Сухановлöн да сулалiс öнiя Киров нима да Бабушкин нима уличаяслöн пельöсын.

Стрöйбалöн симметрияа баныс шöрас кöкъямыс колонна портикöн. 1930-40-öд воясö тайö стрöйбаыс вöлi Сыктывкарын медся мичаöн, петкöдлiс эз сöмын архитектураын вермöмъяс, но и НКВД-лысь вынсö, сылысь канмуын тöдчанлунсö.

Водзын первомайса да октябрса демонстрацияяс мунiсны тайö стрöйба дорын, а крыльчöыс вöлi трибуна пыдди.

Источник: Дом родной, знакомый с детства: экскурсия-путешествие по городу Сыктывкару / Центральная городская библиотека.- Сыктывкар, 2006. – 188 с.