Коми Республикаын Россияса МЧС-лöн канмуса противопожарнöй службалöн управление

Сöветскöй улича, 9

История да культура памятник

1900-1907-öд воясö Пöжарнöй депо

Архитектор – Павлов И.И.

Реконструкцияыс А.Д. Ракинлöн

Видзö канму

Пöв пуктöма 2006-öд воö

kalancha.jpg1899-öд вося сентябр тöлысьö Вöлöгдаса архитектор И.И. Павлов лöсьöдiс пöжарнöй депо зданиелысь проект. Стрöйбасö лэптыны кутiсны 1900-öд воö. Контрактсö кырымалöма Коми муын паськыда нималана Н.Г. Кононов подрядчиккöд, кодi корис Соль-Вычегодскысь каменщикъясöс. 1907-öд воö стрöитчöм помасис.

1975-öд воö архитектор А.Д. Ракин проект серти стрöйбасö дзоньталiсны, медшöр аслыспöлöслунсö колисны, но неуна и вежисны. Выль пöлöсöн, мичаджыкöд лои жыннян тшупöдыс. Кöкъямыс ската, абу крут вевт пыдди вöчöма джуджыд ёсь йыла шатёр, палицаяс помас флюгерöн – Усть-Сысольск карлöн герб вылын пукалö кöрт петук.

1976-öд вося апрель тöлысьö флюгерсö сувтöдöма дзик шатёр йылас. Тöдчанаöсь керка банын курантъяс. 1986-öд вося дзоньталöм бöрын курантъяс ворсiны во джын. Нöшта öтчыд дзоньталiсны пöжарнöй лабораторияын уджалысьяс гл. инженер В. Лисин веськöдлöм улын. Чысiысь юргис Яков Перепелицалöн Сыктывкар йылысь сьыланкывлöн шыладыс.

Стрöйбаыс лоö оз сöмын архитектура памятникöн, но и карлöн неофициальнöй символöн.

Источник: Дом родной, знакомый с детства: экскурсия-путешествие по городу Сыктывкару/ Центральная городская библиотека.- Сыктывкар, 2006. – 188 с.