Кировса медицина академиялöн филиал

Бабушкин нима улича, 11

История да культура памятник

IMG_1346.jpg1910-1916-öд воясö уездса земство больнича

Проектлöн автор – земскöй техник Сорокин Е.Г.

Реконструкция – Тентюкова Ф.А.

Видзö канму

Пöв пуктöма 2006-öд воö.

Уездса земство больничалöн стрöйбаыс (öнi Кировса медицина академиялöн юкöн) пырö Усть-Сысольск – Сыктывкарлöн медмича стрöйбаяс пöвстö.

1907-öд вося сентябр мöд лунö Усть-Сысольскса земство вынсьöдö «Усть-Сысольск карса больнича бердö из стрöйба лöсьöдöм йылысь» документ. Сентябрь 22-öд лунö котыртöма стрöитчан комиссия, кытчö пырисны карса юрнуöдысь А.Е. Суханов, казнасянь вöзйöм Ф.А. Лобурцев да гласнöй С.В. Попов.

Проектсö да сметасö «амбулатория да больницалöн хирургия юкöн вылö из корпус» серти арталiс 1908-öд воö техник-строитель Е.Г. Сорокин земствоса врач Шмелёв план серти.

Керка лэптöмсö эз öтчыд сувтöдлыны, но 1916-öд воö став уджсö вермисны помавны. Арын татчö вуджис земскöй больнича.

1922-öд вося январ 5-öд лунö Облздрав коллегия шуöм серти тайö стрöйбаын воссьö 40 койка вылö нёль юкöна областнöй больнича: хирургическöй, терапевтическöй, неврологическöй, гинекологическöй. 1938-1997 воясö танi вöлi кага чужтан керка.

1951-öд воö архитектор Ф.А. Тентюкова проект серти лэптiсны мöд судта, сiйö бура лöсялiс керкаыслы да мичмöдiс уличасö.

998-öд вося гожöмын стрöйбасö вöлi сетöма Кировса канму медицина Академиялöн Коми филиаллöн бурдöдчан факультетлы.

Стрöйбасö кыдз архитектура памятникöс видзö канму.

Источник: Дом родной, знакомый с детства: экскурсия-путешествие по городу Сыктывкару/ Центральная городская библиотека.- Сыктывкар, 2006. – 188 с.

Источник к фото: Здание уездной земской больницы.: Архив Коми филиала Кировской государственной медицинской академии. – 2003. – Т.1. - №1.

Здание уездной земской больницы. Начало 20 века : Столица, краса и гордость Зырянского края… - Сыктывкар, 2005.