Роч православие вичколöн Сыктывкарса да Воркутаса Епархиялöн управлениеса Троицкöй Стефано-Ульяновскöй манастырлöн керка-овмöс.

eparh.jpgИстория да культура памятник

Троицкöй Стефано-Ульяновскöй манастырлöн керка-овмöс

Видзö канму

Пöвсö пуктöма 2006-öд воö

Керкасö лэптöма 1889-öд воö Ульяновскöй манастырлöн овмöслы. Бöрынджык сэнi вöлi Культурно-просветительскöй училище, челядьлöн хореография школа, манастырлöн овмöс.

1860-öд воö Усть-Сысольск уездса Улляна сиктын воссис мужичöйяслöн Троицкöй Стефано-Ульяновскöй манастыр.

Овмöсыслысь медводдза стрöйбасö 1866-öд воö Усть-Сысольскын козьналiс купечлöн дöва Сидорова. Тайö вöлi карса озыркодя олысьяслы лöсялана тьöсöн вевттьöм кык судтаа керка.

Овмöсыскöд орччöн – Суханов улича (öнi Бабушкин нима улича) да Троицкöй улича (öнi Ленин нима улича) – 1877-öд воö лэптöма пуысь Стефановскöй вичко.

1882-öд воö Суханов уличаын кутiсны лэптыны изйысь овмöс, помалiсны 1889-öд воö.

Овмöссö лöсьöдiсны сiдз, медым позис бура отсасьны карын олысь уллянаса манакъяслы да Улляна манастырö ветлысьяслы.

1996-öд воö стрöйбасö вуджöдöма Роч Православие Вичколöн Сыктывкарса да Воркутаса Епархиялы, а 2000-öд воö лои сылöн эмбурöн. Öнi тайö стрöйбаас Епархиялöн управлениеыс, гортса Христорождественскöй вичко да мужичöйяс Троицкöй Стефано-Ульяновскöй манастырлöн овмöсыс.

Источник: Дом родной, знакомый с детства: экскурсия-путешествие по городу Сыктывкару/ Центральная городская библиотека.- Сыктывкар, 2006. – 188 с.