Республикалöн быдмöг эжыс унасикаса. Тундра паськöдчöма Асыв-Войвывлöн меддорас, лунвывлань быдмö вöра-тундраа вежтаслöн векньыдик визь, дзик лунвылас – паськыд вöрса гöгöртасъяс.

pos-halmer-yu.jpg
Сергей Щербак. Поселок Хальмер-Ю
Тундралöн аслыспöлöслун – абуöсь пуяс. Быдмöг эжыс артмöма нитшкысь, унавося турун быдмöгъясысь, лишайникъясысь, кустъясысь. Медыджыд места босьтöны кыдз, бадь, керч. Войвывса вöра-тундраа вежтасын тундраса быдмöгъяскöд öтшöтш паныдасьлöны коз, ниа пу.
Вöра-тундраа вежтас вочасöн вуджö шоч вöрö, а сэсся пармаö. Тані паныдасьлö сибирса коз, пожöм да кыдз, гежöдджыка - ньыв, ниа, сус пу. Збыльвылас ставыс сораса вöр.
Республикаын эмöсь нэмöвöйся пемыд лыска вöръяс, кодъяс заводитісны сöвмыны некымын миллион во сайын.
Быдмöны сідзжö бурдöдчан турунъяс, мичмöдан, мукöд куста да туруна быдмöгъяс, кодъясöс колö дöзьöритны.
1Зимний лес. Фото Хрусталева Ю.А.JPG
Ю. Хрусталев. Зимний лес
Медся бур сёян тшакъясöн Войвылын лыддьысьöны еджыд гоб, ягсер, ельдöг, вагоб, аньпель, гöрд гоб.
Вöр фондлöн став ыдждаыс - 39 млн. га. Вöръяс бöрын мöд местаын сулалöны нюръяс (3,2 млн га). Нюрсялöм муяс косьтöм бöрын татчö пуктöны турунъяс, град выв пуктасъяс да картупель, вöчöны йирсянінъяс, а сідзжö удобрение вылö перйöны торф.
1978 восянь 113 нюр лои заказникöн да ывлавыв памятникöн, на пиысь торйöдöма унасикаса му выв серпасъяса 17 эталон, мукöдъясыс – турипувъяин. Став дöзьöритан нюръясыслöн ыдждаыс лоö 0, 5 млн га (17,3 %).
Республикалöн ыдждаысь 0,9 % босьтöны видзьяс, кодъяс öтлаасьöны ыджыд ю ковтысъясын.
Лось. Фото В. Пономарева (1).jpg
В. И. Пономарев. Лось

Öнія кадö республикаын олö 4400 пемöслöн сикас, кодъяс юксьöны 31 котырö да 10 типö.
Юясын да тыясын чери котыръяс петкöдчöны 8 класс юкöнöн, 12 рöдöн. Тайö ком, пелядь да с.в. Гежöд сикас – таймень.
1960-1970 воясö Камаысь Эжва вожö писькöдчисны гöрд бордъя чери, судак да мукöд.
Лэбачьяслöн котырын 239 сикас, 44 рöд, 17 класс юкöн. «Коми Республикалöн Гöрд небöгö» пыртöма : варыш, сапсан, ыджыд кутш да мукöд лэбач. Дöзьöр улö босьтöма пемöс сёйысь лэбачьясöс, сюзьöс, туриöс да с.в. Кыйсян тöдчанлун нуöны еджыд байдöг, дозмöр, сьöла, а сідзжö дзодзöг, утка да вадор кайяс.
Йöлöн вердысьяслöн котырыс 57 пöлöс, 17 рöда, 6 класс юкöна. Яй сёйысь вöрпаяс пиысь 16 пöлöсыс вöлявывса пемöсъяс: низь, тулан, сьöдбöж, вурд дв с.в.
Вожа гыжъяяс (4 пöлöс) : йöра, кöр, гежöдджыка кöза. 1980 воясö паськалiс вöрпорсь да писькöдчис Удора, Ухта да Мылдiн районъясöдз.
20-öд нэмсянь, мортлöн велöдöм понда, йöлöн вердысьяслöн лыдыс кутiс вежсьыны. Некымын пöлöс пемöс, кыдзи ондатра, мой, енот сяма пон, велалiсны поводдя дорас да найöс лэдзисны овны ас кежысь.
Источники:
Атлас Республики Коми. – М.: Дизайн. Информация. Картография, 2001.- 552 с.
Историко-культурный атлас Республики Коми. – М.:ДРОФА, ДиК, 1997. – 384 с.

http://ru.wikipedia.org/wiki