Коми Республика паськöдчöма Россиялöн Асыв-Вой юкöнын Урал гöраяссянь рытыввылöдз, Печора, Эжва да Мозын ю вожъясын. Медыджыд кузьтаыс войвывсянь лунвылö 785 км, Рытыв-Лунвывсянь Асыв-Войвылö 1275 км, рытыввывсянь асыввылö – 695 км. Республикалöн ыдждаыс – 415, 9 сюрс км.

70 % унджык местасö босьтöны вöръяс, 15 % гöгöр - нюръяс.

Медшöр юяс : Изьва, Мозын, Печора, Сысола, Уса, Ву, Эжва, Емва.

Войвывса Урал 32 800 км² вевттьыссьöма вöрзьöдлытöм вöръясöн. Печора-Илыдзса государстволöн заповедник – вöвлытöм места. Татшöм вöрзьöдлытöм вöрыс, кыдзи тані, Европаын эз нин коль. 1985 воын заповедниксö пыртöма олан гöгöртас лыддьöдлана гижöдö. 1995 восянь, ЮНЕСКО шуöм серти, Печора-Илыдзса заповедник да национальнöй парк «Югыд Ва» öтувтöма «Комилöн вöрзьöдлытöм вöръяс» ним улö да пыртöма Ставмирса культура да вöр-ва объектъяс лыддьöгö.

Коми Республика пырö Россия Федерациялöн чукöрö да лоö öткодь правояса субъектöн. Республика (асшöрлуна обласьт 1992 вося ода кора 26 лунöдз) котыртчис 1921 вося моз 22 лунö. Пырö Рытыв-Войвыв федеральнöй кытшö да Войвывса экономика районö.