getImage-1.jpgИнта – Коми Республикаса каръяс пиысь öти. Сійö куйлö Ыджыд Инта юлöн шуйга берегын. Карлöн артмöмыс йитчöма Печораса изшом куйланінъяс корсьöмкöд. Интаса изшом медводдзаöн 1912-öд воö видлаліс геолог П.П. Матафин. Бöрынджык тані уджалісны геологъяслöн нöшта некымын экспедиция. 1933-öд воö заводитіс уджавны медводдза буритчан скважина. Куим во мысти Инта берегын артмис лагер пункт, сійö пырис Ухтпечлаг юкöнö. 1940-öд воö пуктöма медводдза кык шахталы подув. 1941-öд воö Интаöдз воис Войвывса кöрт туй.
Инта босьтіс уджалан посёлоклысь статус 1944 –öд воын. 50-öд воясын заводитчис из керкаяс стрöитöм, воссис пу вöчöдан комбинат.
1954–öд воö Инта посёлок лоис карöн. 1954-1964–öд воясö стрöитісны паськыд экрана кинотеатр, бурдöдчан комплекс да поликлиника, нянь пöжалан да йöв вöчан заводъяс. 1957-öд восянь интаса шахтаясын заводитісны уджавны дзескыдінын вöвлытöм йöз, та бöрын Инта кар лоис гражданскöй карöн.
gazeta.jpg
Искра. 01.01.1963
Öнія кадö Инта – горнякъяслöн уна сикас войтыра кар, тайö йöзыс кужöны бура уджавны да сьöлöмсянь гажöдчыны. Инта карын олысьяслöн медрадейтана гаж – тайö Шахтёрлöн да Инта карлöн лун.
2010-öд воö Инта карын вöлі олö 36436 морт.
Источники: Жеребцов, И. Л. Где ты живешь: населенные пункты Республики Коми. Историко-демографический справочник. – Сыктывкар, 1994. – С. 82 -83.
Терр. Орган Фед. Службы гос. статистики по Республике Коми. Демографический ежегодник Республики Коми: стат. сборник 2010. - Сыктывкар, 2010. - С.12.
Источник к фото: Малофеевская, Л. А. Город на Большой Инте. [Текст]/ Л. Н. Малофеевская.- Сыктывкар: [б. и.], 2004. – С.55