Сыктывкар куйлö Россияын Европалöн асыв-войвыв юкöнын, Москвасянь 1410 километра асыв-войвывлань. Орччöн Архангельск, Тюмень, Свердловск, Перым, Киров обласьтяс. Карыс куйлö кык ю бокын – Сыктыв да Эжва – да кытшалöма вöрöн.Öтув пасьтаыс 152 квадрата километра.
Усть-Сысольск йылысь медводдза юöрыс воис миянöдз 1586-öд вося писцовöй небöг копияысь. Сэк танi сулалöма вичкоа неыджыд сикт, кöнi куим овмöсыс вöлöма вичкоын служитысьяслöн, а на гöгöр квайт овмöс крестьяналöн.
Сыктывкарын эмöсь мупытшса озырлунлöн видзасъяс: трунда, горючöй сланец, кöрт шом, кöрт материалъяс. Уна видзас дубыд да сола мупытшса валöн.
1990-öд вося ноябр 23-öд лунö Сыктывкар лои Коми ССР-лöн юркарöн, 1992-öд вося май 26-öд лунö лои Коми Республикаса юркарöн.
Талун Сыктывкар уна кывъя войтыра кар. Танi олöны комияс, рочьяс, украинечьяс, белорусъяс, уна мукöдлаысь, матысса да ылысса суйöр сайысь, воöм йöз.
Карын уджалöны войтырсикас котыръяс: комияслöн, украинечьяслöн, немечьяслöн да мукöд. Унатор вöчö Финн-угор культура шöрин. Йöз лыдыс 2008-öд во заводитчигкежлö, водзвыв донъялöм серти, 246,2 сюрс морт.
Источник:
Республика Коми: Энциклопедия. Т. 3. – Сыктывкар, 2000. – 400 с.