Любительскöй туризмлöн маршрутъяс талунъя лун вылö ена йитчöмаöсь воддза маршрутъясöн геологическöй да топографическöй партияяслöн, босьтöны войвыв-саыввыв пöкатъяс Тиманскöй нöрыслысь ,а сiдзжö юяс, кодъяс заводитчöны тайö пöкатъясын. Енджыка нималанаöсь ю маршрутъяс Еджыд да Сьöд Кедва, Тобысь, Чуть, Вежавож юястi да подöн ветлана туръяс Седью юлöн скала вевтасъяс дорö.

Чутьинскöй комплекснöй заказник

Паськöдчöма Чуть юлöн йылын, Ухта юлöн веськыд берегын. Котыртöма 1967 воын, медым видзны гежöд пемöсъяс да козъя-чöд вöръяс. Сiдзжö Чуть ю вылын, 1 километра сайын Ярега юлöн вожсянь Ухта юö усигöн, паськöдчöма Чутьинскöй геологическöй памятник, код артмöдö ассьыс гöра пöрöдаяслысь петкöдчöм озыр корсян фауна саридз организмъяслысь. Куим –вит лунъя краеведческöй путешествие Чуть ютi бурджык вöчны гожöмын байдаркаясöн либö резина пыжъясöн.

Еджыд да Сьöд Кедва

Юяс, код заводитчöны Тиманскöй нöрыссянь, Еджыд да Сьöд Кедва, пыр кутасны спортивнöй чери кыйöм радейтысьясöс. Танi позьö кыйны ком, сир, гырысь екыш.

Тайö юяслöн кö йывъяс озырöсь комöн, то улыс юкöнын, Изьваö усигöн, унджык сир да йöрш-гöрбач. Сьöд Кедватi путешествуйтiгöн, позьö пыравлыны Эшменскöй пещераö. Сiйö важöн пракоми войтырлöн культöвöй местаöн.

Седъю ю вылын скалаяс

Сориза скала петасъяс Седъю юлöн берегын 2 километрасянь Седъю поселоксянь, код дорöдз позьö сюрöдчыны Ухтасянь рейсöвöй автобусöн – медся нималана места абу сöмын туристъяс да альпинистъяс костын, но Ухтаса да Сосногорскса серпасасьысьяслöн.

Тайö живописнöй юкöныс вöр-валöн Ухта бердын быдöнлы мича ас пöлöсöн: туристъяс танi тренируйтчöны да дасьтысьöны тренировкаяс кежлö скала вылö кайигöн, а серпасасьысьяс радейтöны волыны татчö компанияöн да семьякöд пленэр вылö.

Тобысь – Ухта

Тобысь ю заводитчö Тиманскöй нöрыслöн тывъя мылькъясын. Лэчыд, но абу ськöыд. Татчö сюрöдчыны позьö машинаöн, кодöс босьтöны Тобысь поселокысь (кöрт туй станция Тобысь). Ю лэчыд, йывъясын эмöсь неыджыд пöкатъяс, кодöс позьö вуджны туристскöй судаяс вылын.

Маршрут нималана том йöз, а сiдзжö семьяяс костын, кодъяс радейтöны активнöй шойччöм став гожöм чöж.

«Крохаль» да авторскöй сьыланкыв

Санаторий «Крохаль» - öти Коми Республикаын, кытöн позьö семьяöн шойччыны да бурмöдчыны. Сулалö пожöма ягын карсянь лунвылын Сыктывкар – Ухта трассасянь. Санаторий уджалö во быд. Июнь тöлысьын медводдза неделяö «Крохальын» традиционнöя чукöртчöны Коми Республикаса бардъяс авторскöй сьыланкыв фестиваль вылö, а сiдзжö Россияса Войвыв-Рытыввыв регионъясысь гöсьтъяс.

Кытчö шыöдчыны

Ухтаса карса туристскöй клуб

Адрес: Ухта кар, ул. Мира, 3.

Тел.: 733520

Сайт: vk.com/club611734a