Муниципальные районы
Территория: 30,6 сюрс кв. км
Войтыр лыдпас: 46 сюрс морт(Комистат серти 2013 вося январ медводдза лун вылö)
Усинск сулалö Коми Республикаса войвыв-асыввыв юкöнын Урал водзын, шöр Печора бассейнын да сылöн веськыд Уса юлöн вожын, 757 километра сайын войвыв-асыввылö Сыктывкарсянь, Войвыв пöлярнöй кругсянь 90 километраын.
Талун Усинск – Коми Республикаын мусир промышленносьтлöн шöрин. Карын эм управлениеа, промышленнöй, отсасян да обслужитан предприятиеяс мусир промышленносьтлöн.
Усинск – Комиын медся современнöй кар. Танí абу частнöй керкаяс да войвывлы лöсялана барак сяма оланíнъяс. Став кар лэптöма вит да öкмыс судтаа керкаясöн.
Коми Республикаса мукöд каръяскöд да Российскöй Федерациякöд Усинск йитчöма кöрт туй да сынöда сообщениеöн. Восьса ва кадколастö эм судно плавайтöм. Сиктъяс Усть-Уса, Колва да грезд Новикбож, а сíдзжö став мусир перъяна объектъяс йитчöмаöсь Усинсккöд автомобильнöй туйясöн.