Вöркута - Коми Республикалöн войвыв кар, коді куйлö Воркута ю бокын, Республикаса юркарысь — Сыктывкарысь – 904 километра ылнаын. Карыс куйлö Ыджыд му тундраын, нэмöвöйся кынмöминын, Войвыв кытшсянь 160 км ылнаын да Войвыв Ледовитöй океансянь150 км ылнаын. Поводдя йылысь кö висьтавны, колö шуны, мый тані пырджык кымöра, усьö уна лым-зэр, зэв тöла. Тöлыс нюжалö октябр тöлыссянь майöдз. Декабр 16-öд лунсянь 29-öд лунöдз — юрвыв вой. А май 29-öд лунсянь июнь 16-öд лунöдз — юрвыв лун.

Кыдзи оланін Воркута кар артмис 193-öд воö. 1932-öд вося июль тöлысьын Вöркута юлöн веськыд кытш вылö вöлі пуктöма медводдза шахта да Рудник нима медводдза лагера оланін. Пукалысьяслöн содöм бöрын заводитчис «Капитальная» шахталöн стрöитчöм. 1940-öд воö заводитiсны стрöитны нöшта кык выль шахта. 1941-öд воö воссис кöрт туй, сійö йитіс Воркута карсö Ыджыд Мукöд.

1930-öд вояс помасигöн да 1950-öд вояс заводитчигöн Вöркутаын уджаліс ГУЛАГ-лöн медыджыд лагер — Воркутлаг.

Вöркутасö карöн официальнöя кутісны лыддьыны 1943-öд вося ноябр кызь квайтöд лунö, тайö вöлі Великöй Отечественнöй войналöн сьöкыд воясö.

2010-öд вося кабалаяс серти, öнi карын олö 69008 морт.

Öнія кадся Вöркута кар — тайö изшом перйöмлöн шöрин, сідзжö Печораса изшом бассейнын овмöса котыртчöмлöн шöрин. Медыджыд предприятиеясöн лоöны «Воркутауголь», сідзжö механикаа, механика дзоньталан, цемента да пу вöчöдан заводъяс. Ёна торъялö Победа нима бульвар, коді лоö садъяслöн да паркъяслöн архитектура серти став Россия пасьтаын медводдзаяс лыдын. Тайö бульварсö вöчисны 1945-46-öд воясö, сулалö сійö нюраинын.

1950-60-öд воясö лэптісны шахтёръяслысь культура дворец, пионеръяслысь да велöдчысьяслысь керка да драмаа театр. Став ыджыд стрöитöмторйыс сулалö сваяяс вылын. Вöркутаын сідзжö эм и аканьяслöн театр да ас му туялан музей.

Вöркутаöдз позьö воöдчыны кöрт туйті, сідзжö быд лун Москвасянь, Санкт-Петербургсянь да Сыктывкарсянь лэбалöны самолётъяс. Лабытнанги кар пыр мунысь кöрт туй юкöн йитö Воркута карсö Сибиркöд.

Источники:

Жеребцов И. Л. Где ты живешь: населенные пункты Республики Коми: ист.-демограф. справочник. – Сыктывкар, 1994. – С. 48-49.

Терр. Орган Фед. Службы гос. статистики по Республике Коми Демографический ежегодник Республики Коми: стат. сборник 2010.- Сыктывкар, 2010.- С.12. 

Воркута – город на угле, город в Арктике: научно - попул. изд. / Ред. М. В. Гецен.- Сыктывкар, 2004. - С. 125.

Воркутауголь / Ред. В. Давыдов. – Сыктывкар, 2001. - С.90.