Республикаса «Енганэпэ» вöр заказник

«Енганэпэ» вöр заказник котыртöма 1989-öд вося сентябр 26-öд лунö Коми АССР-са Министръяс Сöветлöн шуöм серти вöр-ва видзöм могысь. Татчö пырисны ылі войвыв пармаысь гöраясвывса вöръяс. «Енганэпэын» дöзьöритсьöны козъяинъяс, пасьтаыс налöн 50 километрасянь 500 километрöдз, нюжöдчöны найö квайт километра кузьта. Тайö козъясыс сулалöны саридз весьтын 180-200 метра вылнаын. Вöрзьöдны позьтöм вöрлöн ыдждаыс - 790 гектар. Вöрсö дöзьöританінын оз позь керавны пуяс, сідзжö оз позь ветлыны машинаясöн, эм сöмын öти туй, кыті позьö мунны — Енгапэлöн кыр горувтi. Тані нöшта оз позь нуöдны буритчан да корсьысян уджъяс, корсьны мупытшса озырлунъяс, стрöитчыны да видзны химия пагöданторъяс.
Источник: Об утверждении Положений о заказниках и памятниках природы республиканского значения и организации новых заказников: постановление Совета Министров Респ. Коми от 1 марта 1993 г. № 110 (ред. от 01.09.2009) // КонсультантПлюс: ВерсияПроф.

Хальмеръю ю вылын бузган

Хальмеръю ю вылын бузган лоö вöр-валöн аслыспöлöс пасöн. Сійö бузгö Ыджыд му пармалöн асыввылын, Хальмеръю юлöн шöр визулын. Бузганыс Воркута карсянь 100 километра ылнаын, вит километра войвылöджык ГПП Паэмбойысь. Бузганлöн судтаыс — 10 метра, сійö артмö куим тшупöдысь. Тайö бузганыс Россиялöн европаса юкöнын лоö медыджыдъяс пиысь öтиöн, а Республикаын — медыджыдöн.
Хальмеръю бузган дорö пыр волöны туристъяс да чери кыйысьяс, весиг сылöн ылна вылö видзöдтöг. Хальмеръю посёлок дорті мунö трактора туй, а Хальмеръю ю вывті эм туристъяслы маршрут.
Источник:
Геологическое наследие Республики Коми (Россия) / сост. П. П. Юхтанов. – Сыктывкар: Институт геологии Коми НЦ УрО РАН, 2008. С. 127-129.