Вуктыл кар – Коми Республикалöн биару перъян промышленносьт юкöнын юрнуöдысь шöрин.

Паськöдчöма республикалöн асыввыв юкöнас, Печораса увтасiн, Предуральеын, Печора юлöн веськыд берегас. Сыктывкарсянь Вуктылöдз 575 км. 25,9 сюрс олысь, на пиысь рочысь петöм - 63% , украинаса – 13% , коми – 10%, мукöд сикас войтыр - 14%. Ыдждаыс 22,4 сюрс кв. км. Кар олö Вуктыл горсовет кипод улын, орччöн сулалö Республика Комилöн Мылдiн, Сосногорск да Печора районъяскöд, асыввылын - Ханты-Мансийскöй асшöрлуна кытшкöд.

Кар котыртчис 1966 воын, Вуктылса биару чöжан куйлöд сöвмигöн. 1967 воын заводитiсны стрöитны «Сияние Севера» Вуктыл-Ухта-Торжок биару туй. 1968 воын Вуктыл лои рабочöй посёлокöн. 1975 воын выль артмöм Вуктыл районса шöрин, 1984 восянь - кар, 1989-öдсянь – республика киподувса кар.

Районын уджалö 200 гöгöр предприятие. Унджыкыс – биару перъян, вöр да сёян-юан промышленносьт, вузасян предприятие, öтувъя сёян-юан котыртöм, гортса могмöдöм. Медшöр промышленносьтса юкöнын öнiя Вуктыллöн – биару перйöм да сiйöс нуöм. Карын сöмын кык промышленнöй предприятие. Медся ыджыдыс на пиысь – «Севергазпром».

Карын унджыкыс бала серти вöчöм керкаяс. Сиктъясын – пырся войвывса квайт пельöса керкаяс, посёлокъясын – бала серти вöчöм кирпич, кöрт да бетон сора зданиеяс, барак бала серти вöчöм керкаяс, брусысь вöчöм уна квартираа оланiнъяс.

Районын шöр транспорт – автомобильнöй. Сы кузя позьö воöдчыны Вуктылсянь Сосногорск да Ухта каръясöдз, а сiдзжö Рытыввыв Сибирöдз. Мöд места босьтö авиатранспорт, ёнджыкасö вертолётъяс.

Миян эраöдз 2 сюрс воын Вуктыл местаын вöлі важ оланін - Атаман-нюр, коді öні лыддьыссьö археология памятникöн.

   Важ олöмысь медся тöдчанаторъяс – вöралöм да чери кыйöм. Ветлысь-мунысьясöс кыскö районлöн ывлавывса видзасъясыс:

– юяс – Пöдчерем, Тшугöр, Ыджыд да Ичöт Паток;

– гöраяс – Тельпос, Войвыв Ураллöн медся джуджыд йыв (1617 м). Районын кöкъямыс сюрс метраысь джуджыдджык Урал йыв.