Этнографическöй туризм вайöдö районö оз этша гöсьт мöд каръяс да странаясысь. Сöмын тöдмасьны кöр видзысьяскöд гожöмын зэв сьöкыд. На дорö Карскöй саридз дорö лэбö сöмын вертолет. Та вöсна, этнография радейтысьяслы, Изьваö волыны колö тöлын, кор кöр видзысьяслöн чумъяс сулалöны еджвд нитша ягын, а кöръяс корсьöны нитшсö

Кышыд лым улысь.

Этно-туристскöй проект «Войвыв сикт»

Проект вöчсьö туристскöй комплекс база вылын ЧП Вокуевалöн Сизябск сиктын. Комплексö пырö чум, керка-музей, кöръяслы гид, гöсьтъяслы жыръяс. Группаяскöд занятие формаяс: музейтi, чумтi экскурсияяс, мастер-классъяс национальнöй спорт сикасъястi (аркан шыблалöм), кöркöд тöдмасьöм, традиционнöй кипод удж сикасъяс ремеслам. Гöсьтъяс вермöны тöдмасьны коми-изьвасаяслысь история да культура да кöр видзан культура.

«Луд» гаж – районлöн медшöр гаж. Мунö медбöр шойччан лунö июньын либö медводдза шойччан лунö июльын, турун пуктöм страда водзын. Важöн нин изьвасаяс öти июль еджыд войö петавлiсны «гажöдчыны луд вылö». Гаж тадзи и шусис: Луд, то есть «луг». Гаж нуöдiсны коми кыв вылын, мый петкöдлö национальнöй колорит Коми Республикалысь. Фольклорнöй йöзкостса коллективъяслöн сьылöм öтдор тайö гажыс аслыспöлöс и вöвъяс вылын ордйысьöмöн, кор дистанция кытш мунö мича лудъястi да оврага местатi.

Збойджыкъяслы лоас интереснöй Сэбысьютi кылöдчöм байдаркаясöн – тайö зэв бур позянлун матыстчыны войвыв вöр-вакöд. Чери кыйöм быдпöлöс снасьтöн, а арын – нöшта и вöралöм пöтка вылö. Вотыс öктысь радейтысьяслы июль да август – кад, кор вотöны чöдлаз, чöд, сэтöр, мырпом, сентябрь -пув. Кодъяс оз радейтны байдарка да физическöй ськыдлун, позьö мунны вöр керкаясöдз моторнöй пыж вылын, кыйны чери да арнас вöравны тшöтш проводник-инструкторкöд. Позьö визьлыны важ языческöй вичко изьвасаяслысь.

Изьва ютi кылöдчöм – заводитчö Сосногорск карсянь, пöшти 200 метра кöрт туй вокзалсянь. Байдаркаöн кывтны колö 10 лун, катамаранъяс да резина пыжъясöн - 15 лун. Путешествие лöсялас семья, школа да молодежнöй гожся шойччöм вылö. Ю чередуйтчö абу сьöкыд вуджöмъясöн да дыр кадся тельскöдчöмъясöн. Лыа берегъяс, пляжъяс, мича лудъяс. Ставыс тайö кокниа вермö индöдны биваккöд туристскöй группаяслы весиг неыджыд путешествие опытöн.

Сьöд Кедва

Спортивнöй чери кыйсьöм радейтысьяслы, юяс, кодъяс заводитчöны Тиманскöй нöрыссянь – Еджыд да Сьöд Кедва, пыр лоасны интереснöйöсь спортивнöй кыйöмöн ком, сир, ыджыд екыш вылö. Недель чöжöн ютi кылöдчöмöн позьö бурмöдны чери кыйсян натура, пробуйтны став спортивнöй чери кыйан ног снасьтъяс. Кыйсьöм нахлыстöн, спиннингöн, поплавочнöй да «китрöй» вугыр вылöпыр лоас удачнöйöн. Тайö юяслöн йылыс кö озыр комöн, то Изьваö усигöн, улыс юкöнын, уна сирыс да ыджыд екыш-гöрбач. Сьöд Кедвалöн йылыс (Тиманскöй нöрыс) – вöрзьöдлытöм на мортöн вöр-ва юкöн – спортивнöй вöралöм, фотовöралöм да чери кыйöм радейтысьяслы рай.

Велотур «Ираёль-Изьва-Чилимдiн» - мöд категория маршрут. Интереснöй кöлесаöн путешествуйтны радейтысьяслы тöдтöм Европейскöй Север муястi. Лоис нималанаöн сöмын медбöр воясö. Туйяс да мостъяс стрöитöм бöрын Чилимдiн районö.

Кытчö шыöдчыны

(Организацияяс, кодъяс веськöдлöны районын туристическöй маршрутъяс)

Сизябск сиктса гöсьтъяслы керка

- тур «Зинаида Павловна дорö гöсти» (чумын олöм, экскурсияяс, вöвъяс вылын ветлöм да мукöд

Адрес: Изьва район, Сизябск сикт

Тел.: 89125625228

Агентство «Вэртас»

-каникулярный тур «Войвыв– кöръяслöн страна»

Адрес: Сыктывкар кар, ул. Интернациональная, 133

Тел.: (8212) 280-444

сайт: vertastour.ru

Туристическöй агентство «Лингва Тур»

- тур «Войвывса кöръяс дорö край»

Адрес: Сыктывкар кар, ул. Интернациональная, 119

8(8212) 24-56-10, 29-11-91.

Сайт: linguatour.ru