Вишера ютi кылöдчöм

Вишера – Вычегдалöн веськыд вож, нималана туристъяс костын. Путешествие заводитчö Лемъю сиктсянь (Княжпогост районсянь). Тайö поселоктi бур воöдчыны Тракт кöрт туй станциясянь, сэсся вöр туйтi мостöдз, код зэв этша вылынджык Лемъю да Енью юяслöн öтлаöсьöмын. Дзик поселоксянь кылöдчöм сьöкыд – Лемъю юлöн кырасын уна пу вож. Водзö – куим сутки кылöдчöм овтöм местаястi зэв бур чери кыйсьöмöн (сир, кельчи, ёкыш). Сиктъяс оз паныдасьны, но став ю пасьталатi эмöсь вöр керкаяс, кöнi позьö дзебсьылны да косьтысьны лек поводя дырйи. Медся нималанаыс — Мирон-керка. Сэсся остановка медся важ сиктын Кöрткерöс районын - Богородскын.

Богородск улынджык Вишераö усьö Нившера. Ю паськалö. Берегъяс оланаöсь нин. Маршрут помасьö Сторожевск сиктын.

Локчим ютi кылöдчöм

Локчим —Вычегда юлöн шуйга вож, кузьтаыс 272 километра. Артмö Седью да Бадъю юяс öтлаöсьöмöн. Ю заповеднöй, чериа. Спортивнöй кыйсьöм позяна. Локчим — туристъясöн радейтана ю. Машинаöн бур воöдчöм —уна плюс костысь öти. Ю зэв мича.

Краеведъяслы маршрут интереснöй сыöн, мый мунö поселокъястi, кодъяс йитчöмаöсь Локчимлаг историяöн.

Баб Додзь

Додзьса ты дорö лэччигöн сулалö вожапа — ыджыд пу, «баб Додзь» нима. Тайö пожöм нель сывйыштöмöн, кодкöд йитчöма уна легенда - «чудь» войтыр йылысь, код олiс Вычегдаса берегъясын шöр нэмъясын. Найö вöлiны язычникъясöн да эскисны уна Енлы – шондi, би ,ва Енъяс да вежа пуяс, кодъяслы копрасисны. Христианствоö эз пырны, да сотiсны асьныссö землянкаын.

Радейтöмлöн рас

Кöрткерöс бокын – асыввыв вылö куимсö метра дорö, Вад-ты да Виям-ты тыяс костын эм группа зэв мича пуяслöн, поэтичнöй нимöн «Радейтöмлöн рас» - татчö вайöдöны экскурсияяс краеведъяс, волöны и том гозъяяс. Тайö вöр-ва феномен артмöдö ассьыс сивöй коз да пожöм сизим пучерöн, öтиыс кодъяс костысь гартчö коз пучер бердтi. 1,5-2 метра вылын пучеръяс торъялöны да артмöдöны горс, кöнi позьö тöрöдчыны 3 мортлы. 700-800 метра сайын «радейтöмлöн пусянь» лунвылö быдмö нöшта 3 татшöм пу.

Маджинскöй заказник

Маджинскöй комплекснöй заказник паськöдчöма Няняель да Лопъю кывтыдын, Маджа юлöн веськыд вожын, 90 километра Маджа сиктсянь. За­казник котыртöма, медым кольны кыян вöрпа 1979 воын.

Путешествуйтны заказниктi позьö лыжиöн. Гожся кадö ветлыны сьöкыдджык, нöшта уна ном.

Гожся кадö интереснöй чери кыйян местаяс Вычегда вылын Маджа сиктсянь улынджык, код оз пыр заказник зонаöн. Танi век позьö кыйны юква вылö. Везитас кö – позьö кыйны стерлядь, нельма.

Кытчö шыöдчыны

Туристическöй информационнöй шöрин «Шуда олöм»

- тур «Шуда лун», öти шойччан лунъя тур, ютi кылöдчöм байдаркаясöн.

- тур «Öти районлöн история», öти лунъя тур велöдчысьяслы музейтi Кöрткерöс районтi

- тур «Иван лун», öти лунъя тур верстьö йöзлы июль 6-öд лунсянь 7-öд

Адрес: Дырнос места (ГАИ весьтын), д. 3/5, оф.9 (3 этаж)

Тел.: 8-904-270-28-89 (552-889)

сайт: vk.com/shuda_olom

Шойччан база «Шишкин лес»

- спортинвентар, пыж, катамаран, бильярд, баня, столовöй прокат

Офис Сыктывкарын:

Адрес: ул. К.Маркса, 213, 1 этаж, шуйга крыло;

Тел.(8212) 44-74-95.

Спортивно-бурдöдчан шöрин

- гожся да тöвся чери кыйöм. Узьлан мешöкъяс, котелокъяс, палаткаяс пыжъяслöн прокат

Адрес: Кöрткерöс сикт, Набережная, 8

Тел.(82136) 99612

Том путешественникъяслöн клуб «Ур»

Тел. (82136) 9-27-71, 9-25-77.