Сыктыв ю катыдын куйлöны Койгорт, Ужга, Грива – öнiя Койгорт районын медся важ сиктъяс. Йöз татчö овмöдчöмаöсь XII-XIII-öд нэмъясö.
Районлöн шöрин – Койгорт сикт – гаравсьö гижалан небöгын 1586-öд воö. 1720-öд воö артмöма да вынсялöма сиктлöн Койгорт нимыс. Кывлöн вежöртасыс артмöма кык юкöнысь: Кой ю ним да «горт» - керка, оланiн. Артмö: юдорса керка. Койгорт да Грива лоины торъя вöлöсьтъясöн.
1957-öд воö сэнi лэптiсны заводъяс: Койгорт вöлöсьтын Кажымса мöлöт вöчан да Грива вöлöсьтын Нючпасса домна мöлöт вöчан. Революция бöрын заводъяссö тупкисны. Öнi Кажымса завод лоö Коми Республикалöн промышленно-техническöй архитектуралöн памятникöн.
1929-öд воö Койгорт район пырö котыртöм Сыктыв районö.
1949-öд вося июнь 7-öд лунö РСФСР-лöн Верховнöй Сöвет Призидиум Указ серти вöлi котыртöма Койгорт район. Мутасыс сылöн 10415, 7 квадрата километра пасьта.
2002-öд вося Ставроссияса перепись серти, районын олысь лыдыс лои 10 сюрс морт. Административно-территориальнöй единицаыс – 10, олан пунктыс – 21. Район шöринсянь Сыктывкарöдз – 192 километра. Экономикаын шöр юкöдöн лоö вöр пöрöдöм.
1936-öд воö котыртöма Койгортса леспромхоз, 1942-öд воö – Кажымса леспромхоз, сiйöс 1970-öд воö йитiсны Койгорткöд. 1998-öд вося октябрсянь предприятиелы сетiсны ООО «Койгородский лесокомбинат» ним.
Палаузса леспромхоз котыртöма 1958-öд воö (öнi ООО «Палаузский лесокомбинат»).
1949-öд воö районлöн сиктса овмöсын вöлi экономика боксянь 25слаб колхоз. 1959-öд вося январ 1-öд лунö колхозъяссö йитöны öти «Койгорт» совхозö. 2002-öд вося январ 1-öд лунö котыртöма выль предприятие СПК «Койгородок».
Источники:
Койгородская земля - наш дом родной: [буклет / Адм. МО "Койгородский район"]. - [Койгородок : б. и., 2004]. - 12 с.