Луздор район сулалö Республика Комилöн лунвыв юкöнын, лоö орччаöн Сыктыв да Койгорт районъяскöд, Архангельск да Киров обласьтъяскöд. Артмöма 1929 вося сора 15 лунö, площадь – 13,2 сюрс м2. Олысь лыдыс – кызь Нель сюрс морт.

Административнöй шöриныс – Абъячой сикт.

1645 воын Абъячой погостö вöлi гижöдöма нöшта квайт сикт. Сиктса олысьяснас вöлiны Шучалинъяс, Кузнецовъяс, Паневъяс, Лихачевъяс, Лекановъяс, Шулеповъяс, Федюневъяс, Паюсовъяс, Туголуковъяс, Оботуровъяс. 1910 воö Леткаын восьтöма пельшöр шöрин.

Комынöд вояс заводитчигöн районын вöлi куим больнича дас койкаöн, бурдöдысь эз вöв. Уджалiс дас Нель пельшöр, сизим акушерка, вит бурдöдысьлы отсасьысь. 1937 воын гырысь йöз костын тöлктöмлун вöлi бырöдöма. Ыджыд тыш Луздорлы лоис ыджыд мытшöдöн. Луздорысь 6580 морт тышкасис фашисткöд. На костысь быд мöд морт сетiс ассьыс олöм победа вöсна. Куим геройöс сетiс Луздор му – Спасорубысь В.И. Лобановöс да И.П. Марковöс, Ношульысь С.А Сердитовöс. Районын кык Социлистическöй удждырся герой - В.Ф. Смолев, Е.В. Дымова.

Öнiя кадö районын 62 велöдан шöрин, 25 ясли-сад. Районын 714 велöдысь. 46 велöдан шöринын велöдöны коми кыв.

Районын бурдöдчан отсöг Луздор районнöй бурдöдчанiн да Летка районнöй бурдöдчанiн, вит амбулатория, нель юкöн висьысьлы отсöг. Районын эм 40 культура-эштан шöрин, 36 библиотека, кык сьылан школа да сылöн кык филиал, районнöй ас му туялан И.А. Яборов нима музей, серпасасян да гортса кöлуй вöчан администрация веськöдлысь дырйи шöрин. Бура тöдса районын йöзкостса Г.А. Горчаков нима театр, йöзкостса ансамбль «Майбыръяс», фольклор коллектив «Лизавета», челядь коллектив «Парма ель», йöзкостса коллектив «Чернышса чипсанисткаяс».

Быд во районын мунö «Луза дорса гаж» гажöдчöм. Нуöдöны районнöй фестивальяс челядь творчечтволöн «Надежды Прилузья», «Поет гармонь, душа народа».

Луздор районын паськалö вöр пöрöдöм дырйи скандинавскöй технологияöн вöдитчöм. Районын эм проект «Устойчивое управление северными лесами: Модельный лес «Прилузье».

Луздор район Коми Республикаын босьтö медводдза ин вöр петкöдöм да пöрöдöм серти, вöр кöлуй вöчöм серти. Быд во эксплуатацияö мунö сизим сюрс м2 оланiн. Агропромышленнöй юкöн районын пыртö ас пытшкö квайт видз-му овмöс предприятие, кык видз-му овмöс техника предприятие, 114 кресьтяна овмöс, 9600 ас отсöг сетан овмöс.

Источники:

http://www.priluzie.ru/history/
http://www.priluzie.ru/card/