Канпас

Луздор районлöн канпас вöлí босьтöма конкурс дырйи, кодöс нуöдíс районса администрация. Медбурöн вöлí удж В. Десятниковалöн. 2009 вося апрель 13 лунö сылöн символ вöлí зумыдмöдöма районса Сöветöн.

Луздор районлöн медшöр отрасльöн лоö вöр да аграрнöй комплексъяс. Тайö и петкöдлöма канпасын.

Турунвиж пуяс петкöдлöны коръя да лыска вöръяс, код öтлаын артмöдö тайга – районлысь медшöр озырлун.

Шобдí шеп – петкöдлö районлысь овмöс вермöмъяссö.

Вöлнаа кельыдлöз вöнь – петкöдлö Луза ю, районса медшöр ва артерия. Кельыдлöз рöм – вылыс тшупöда эмторъяс вöчöмлöн, выльысь чужмöмлöн символ.

Гöрд узор, код артмö пырыс мунан ромбъясысь – предокъясöс да налысь культура уважитöм символ.

Эзысь – сöстöмлунлöн, восьсалунлöн, ен тöлкалунлöн символ.

Турунвиж рöм петкöдлö тулыс, дзоньвидзалун, надея.

Гöрд рöм – мужестволöн, олöм вынлöн да мичлунлöн, гажлöн, уджлöн символ.

Зарни - медвылыс донлöн, мичлунлöн, бур сьöлöмлöн, озырлунлöн, урожайлöн символ.