Канпас

Сосногорск канпаслöн автор художник Владимир Котов. Канпас вöлi зумыдмöдöма муниципальнöй велöдчöм Сöветöн 2003 вося декабр 4 лунö.

Сосногорск сулалö кык ю öтлаасьöмын: Изьва да Ухта, важ коми сикт Уст-Ухта бокын, кодлы 200 воысь унджык. Сiйö сöвмис биару завод да кöрт туй магистраль Котлас-Воркута стрöитöмсянь Ыджыд Отечественнöй вöйна дырйи. Кар бокын да муниципальнöй образование территория вылын флора петкöдчöма пожöм да козъясöн, фауна озыр вöр пемöсъясöн – дозмöр да сьöлаясöн.

Вöлнаа визьяс канпас эмблема вылын юкöны лöз, турунвиж да гöрд поле да петкöдлöны, мый кар сулалö кык ю öтлаасьöмын: Изьва да Ухта. Шöрас – пожöм вылын пукалысь зарни дозмöр. Сылöн петкöдлöмыс дзик шöрас индö сы вылö, мый Сосногорск сулалö Коми Республикалöн география шöрын.

Дöрапас

Дöрапас Сосногорсклöн лöсьöдöма канпас подув вылын ,геральдика правилояс серти вöчöма, петкöдлö историческöй, культурнöй, социально-экономическöй, национальнöй да мукöд татчöс традицияяс.

Карлöн дöрапас тайö веськыд пельöса паськыднас кузьта дорö 2:3, юкöма еджыд крестöн куим пельö: гöрд, турунвиж, лöз. Крест шöрсянь вылынджык – кольквиж фигураяс канпас композицияысь: пожöм вылын пукалысь дозмöр.

Сылöн петкöдлöмыс дзик шöрас индö сы вылö, мый Сосногорск сулалö Коми Республикалöн география шöрын.

Дозмöр – медся ыджыд, вына лэбач коми вöръясын, а пожöм петкöдлö татчöс вöръяслысь аслыспöлöслун.