Муниципальнöй районлöн территория пыртö ас пытшкö унджык юкöн Изьва юлысь, сылысь медшöр вож Айюва, Ухта да Седьюлысь йывъяс, Печоралысь шуйга вож - Лемью. Котыртöма кымынкö заказник да вöр-ва памятник. Заказник «Гажаяг» - вöр-пöтка фауна видзöм понда, вöр-ва памятник «Порожскöй» - сус пу видзöм понда. Заказникöн лоö турипувъя нюр «Кереснюр». Геология памятникъяс дорö, кодъяслöн научнöй вежöртас, пырöны «Сосновскöй», «Изьваса», «Ухтаса».

Районын нималана спортивнöй, тöдны кöсъяна туризм. Медся нималана Изьва ю йывтí кылöдчöм. Ю визув да лэчыд Порожск сиктöдз. Сэтí путешествуйтöм сетö позянлун босьтны бур техника водзö путешествуйтöм вылö быдсяма судъяс вылын.

Эмöсь спорт-кыйсян туръяс районын. Меднималанаыс – тар -косач, дозмöр, сьöла, зверъяс костысь – кöч, йöра. Вöралöм лоö позянаöн вöралан инспекцияяслöн лицензия да путевка серти. Тöдны кöсъяна туръяс костысь интереснöй краеведческöй, код сиöма мусир аддзана месталы. Татшöм экскурсияяс котыртöны районнöй краеведческöй музей да районнöй шöрин челядь туризм серти.

«Сола» ты «Сола-Ты» - паськöдчöма Усть-Ухта сиктсянь 1 километра сайын. Водоем диаметрыс 30 метраысь этша унджык. Тылöн мича гöгрöс форма да живописнöй берегъяс. Интереснöй аслыспöлöслун ва «чудолöн» - плавайтана остров, кодí оз турунась и оз пöд. Тайö тыыс абу на велöдöма.

Вежа источникъяс

Вежа источник Кристослöн ловзьöм понда паськöдчöма Сосногорск улын. Источник дорын лэптöма часовня Кристослöн ловзьöм серти, пытшкас купйтчанiн, код вежöдöма епископöн Сыктывкарса да Воркутаса Питиримöн 2005 вося апрель 24 лунö.

Вежа источник Серафим Саровскöй храмлöн. Сосногорск эскысьяс öнi вермöны босьтны оз сöмын ва вежа источникысь, но и купайтчыны сэнi. 2004 воын вöлi вежöдöм купайтчанiнлöн Серафим Саровскöй храмын Сосногорскын. Тайö медводдза Комиын бур купайтчанiн пыранiнъясöн да лэччанiнъясöн.

Кытчö шыöдчыны

Туристско-краеведческöй шöрин Челядь творчествоа керкаын «Вымпел»

- туристскöй путешествиеяс, экскурсияяс, соревнуйтчöмъяс, краеведение

Адрес: Сосногорск кар, ул. Ленина 7-1

Тел.: (82149) 5-52-97

МОУ ДОД «Челядь туризмлöн шöрин Сосногорск карын»

тур «Тиманлöн гöра берд» (Седью ютi)

тур «Куим ю» (куим ютi Вонью, Айюва, Изьва)

тур «Кык ю» (Айюва, Изьва)

снаряжение прокат, туристическöй группаяс колльöдлöм.

Адрес:Сосногорск кар, 5 микрорайон, д. 39

Тел.: (82149)5-72-96 .