Муниципальные районы

Герб

Герблöн проект Сыктывдин районлöн лöсьöдöма йöзкостса мастерöн, Коми Республикаса нималана культура уджалысьöн Валерий Тороповöн. 2004 воын герб вöлí зумыдмöдöма райсöвет депутатъясöн.

Район символъясöн художник босьтíс финн-йöгра фольклор петкöдлысьясöс – сюзь да йöраöс. Йöра финн-йöгра геральдическöй традицияын петкöдлö власьт, вылыс мир. Йöра образ сíдзжö йитчöма вын, бур сьöлöм, мич, гармоничнöй мир тэчасöн.

Композиция «хищнöй лэбач– йöра» вöчöма «перымса звер стиль» культöвöй стильöн да тшöтш лöсялö коми войтырлöн мифологиялы.

Сюзь – тöлкалунлöн, олöм вылö ясыд видзöдласлöн символ, петкöдлö, мый йöзлы оз ков нинöм вöчны думайттöг, а медводз бура думыштны. Традиционнöя кö хишнöй лэбач абу пыр-пыр восьтöм бордъясöн петкöдлö власьт, вылыс мир. Лэбачлöн крест сяма контур сíдзжö лоö духовнöй вын символöн.

Шеп петкöдчö кыдз енлöн вöчöмтор; петкöдлö мулысь озырлун.

Турунвиж козъяс- Шöр да Войвыв Европаын векъя турунвиж пу, петкöдлö векъя, кувлытöм олöм.