Муниципальные районы

Канпас

Сысола районлöн канпас вöлi зумыдмöдöма муниципальнöй район Сöветöн 2008 вося март 31 лунö. Проектлöн авторъясöн «Шондi» клублöн членъяс район бердса челядь творчество Шöринысь.

Канпас артмöдö ассьыс нель угöла геральдическöй щит. Подувнас босьтöмаöсь перымса звер стильын зарни рöма символъяс.

Ош – коми войтырлöн тотемнöй пемöс, медся вына звер миян вöрын, код петкöлдлö бур сьöлöм, вын, уважайтöм да почет. Сiйö видзö Сысола войтырöс да сылысь озырлун.

Небöг – велöдчöм дорö кыскысьöм. Сiйö петкöдлö, мый Сысола му вылын чужис коми литературалöн подув пуктысь И.А.Куратов да мукöд Россияса да республикаса нималана йöз.

Вöр – районын медшöр озырлун. Веськыд вылö ошсянь петкöдлöма быдмöг, код петкöдлö вылысь чужöм, шуйга вылö-чери, му чужöмлöн символ.

Зарни Ань – шондi Ен, мирлöн мам ,код видзö миянöс, сетö олöмлысь шаныд да шуд.

Кытш – композициялöн подув, öтувтчöмлунлöн да помтöмлунлöн символ, тырвыйö бурлунлöн знак.