Район нималана медгырысь Европаын Печоро-Илычскöй канму биосфернöй заповедникöн, кодлöн площадь 721,3 сюрс га (1,7% территория республикалöн). Заповедник вöлi котыртöма 1930 вося май 4 лунö. Заповедник границатi эмöсь видзан зонаяс 500 тысяч гектар площадьöн. Тайö шöр да войвыв тайгалöн зона, Войвыв Ураллöн рытыв пöкатлöн юкöн, кöнi уна неыджыд ты да ю. Пöшти 20 % флора пырö гежöдъяс лыдö. Вöрын эм уна дона вöрасян пемöс – низь, вöр кынь, вурд, америкаса анча, ур, мой, руд ош, йöра, дозмöр да сьöла. Юын эм ком.

1949 восянь заповедникын эм опытнöййöра ферма, котыртöма «Вöр-ва музей», пуктöма уна дас экологическöй туй да маршрут, котыртчöны экологическöй лагеръяс.

Маньпупыньер

Печоро-Илычскöй заповедник территория вылын войвыв юкöнын Маньпупунер визь помын паськöдчöма нималана «вöр-ва шедевр», Россияса сизим чудеса костысь öти. Тайö плато Маньпупунёр вылын Тöлöдöм столбъяс (манси кывсянь вуджöдöм «Ичöт гöра идолъяслöн») 50 метра джудждаа. Ураллöн тайö сьöкыд сюрöдчана места. На гöгöр уна важъя легенда да наука гипотеза; тöдсаöсь абу сöмын кыдзи вöр-ва памятникъяс, но и культöвöй объектъяс.

Вöвлытöм карлöн вальдöм стрöйбаяс

Торре-Порее-Из платолöн войвыв юкöнын (манси кыв вылын Монинг- Тумп) Ичет-Ляги ю йылын пöшти дас километра босьтö «гöра карлöн вальдöм стрöйбаяс». Куш площадьяс, стенъяс, быдсяма колясъяс зэв мичаöсь еджыд войясын, кор гöраясын дзирдалö еджыд ветреница да пон пув. Татшöм аслыспöлöс серпассö вöчис вöр-ва. Некутшöм кар танi некор эз вöвлы, тайö тöлöдöм понда, вöр-валöн аслыспöлöслун. Но та вылö видзöдтöг ветлавны фантастическöй местаястi вöвлытöм карлöн волöны оз этша морт.

Ош пещера — Коми Республикаса ыджыд восьса территория. Шöр кузьтаыс 480 метраысь унджык. Пещера паськöдчöма Печоралöн веськыд берегын 500 метра сайын öнiя берегсянь, 16 километра вылынджык Ыджыд Шежим ю вожын Иорданскöй сенын. Пещераö пырöм матыс ыджыд аркаöн, код öшöдчöма 40 метра Печора вылын.

Канинскöй пещера паськöдчöма Печоралöн веськыд берегын, 47 километра вылынджык Унья ю вожсянь да 1,3 километра улынджык Пихтовка ю вожсянь. Шöр кузьтаыс — 63 метра.

Уньинскöй пещера Печора веськыд берегын, Унья ю вожын, 2 километра вылынджык Ыджыд Дубровка ю öтлаöсьöмсянь. Пещера артмö кымынкö галереяысь, код öтувтö куим зал. Археологъяслöн экспедицияяс серти позьö шуны, мый пещера вöлiс кыдзи культ места II сюрс миян эраöдз IV-VIII нэмъясöдз. Татчö олысьяс Уньинскöй пещера лыддьöны «лек вына местаöн».

«Татарскöй вичко» скалаяс

Паськöдчöма вылыс визулын Илыч юлöн, 6 километра улынджык Шантым поселоксянь. Группа заводитчö кык юра скаласянь, öтиыс код костысь нахöдитö мусульманскöй мечеть минарет вылö. Кузь йывъяс скалаяслöн улысас паськалöны. Цветыс —еджыд-оранжöвöй-кольквиж. Тайö группа улынджык Илыч берег кузя 250 метра вылö нюжалö монолит скала.

Печора йыв дорö

Печора, кодлö йылыс визувтö Войвыв Урал гöраясын Троицко-Печорск районын, — Европаын медшöр юяс костысь öти. Путешествие сылöн йыв дорö, кытчö колö уна финансöвöй да кад воштöм, а сiдзжö бур спортивнöй лöсьöдчöм. Озыр йöзлы позьö закажитны вертолет знак дорöдз, код сулалö Печора йылын, а сэсся подöн, сэсся кылöдчыны байдаркаясöн да резина пыжъясöн мича живописнöй берегъястi. Абу ена озыр туристъяслы позьö сюрöдчыны мотора пыжъясöн. Сэсся подöн 3-5 лун Печора нöрысöдз. Медбöрын – ютi кылöдчöм, кодтöг путешествие абу сэтшöм интереснöй.

Кытчö шыöдчыны

Печоро-Илычскöй вöр-ва биосфернöй заповедник

- экологическöй маршрут «Усть-Ляга - Плато Маньпупунер»

- экологическöй маршрут «Печора йыв – плато Маньпупунер»

- экскурсионнöй маршрут «Гöрабердса тайга Войвыв Ураллöн»

- экскурсионнöй маршрут «Тайгатом да пöрысь»

- экскурсионнöй маршрут «Боровöй»

- йöра ферма аддзылöм

Адрес: Троицко-Печорск район, Якша поселок, ул. Ланиной, д.8

Тел.: (82138)9-56-99, 9-50-91

Е-mail:

Сайт: pechora-reserve.ru

«Республикаса здравницаяс»

- тур « «Маньпупунёр» плато великанъяс

Адрес: Сыктывкар кар, ул.Орджоникидзе, 33/45

Тел.: 8(8212) 39-12-66, 39-12-71

Сайт: gokomi.ru

Турагентство «Вэртас Тур»

- тур «Маньпупунер плато вылö путешествие»

- тур «Вöралысь календарлöн тöдмавтöмтор»

Адрес: ул. Интернациональная, 133

Тел.: (8212) 280-444

сайт: vertastour.ru

Активнöй туризм Троицко-Печорск районын

Адрес: Троицо-Печорск поселок, ул.Советская, д.64 «а»

Тел.: 8 904 108 35 64, 8 912 945 32 56

Республика Коми: путеводитель / [cост. С. Журавлев]. - Изд. первое. - М. : Авангард, 2004. – С. 153 - 155.

tourism-komi.ru