Муниципальные районы

Территория: 35,8 сюрс.км.

Войиыр лыдпас: 18, 104 сюрс морт(Комистат серти 2016 вося январ медводдза лун вылö)

Удора район паськöдчöма Коми Республикаса войвыв-рытыв вылын, Мезень да Вашка юяс бассейнын, кодъяслöн 140 вож. Ставыс районын 12 сиктса да 3 карса оланíн. Став войтыр костысь коми 40 %. Роч войтыр 28%, украинеч — 6%, белорус— 1%.

Районын медшöр озырлун –вöр. Вöрлöн площадь 90.3 %став район площадьысь, сэнí 27 пöлöс вотöс; 50 % дорö быдмöг. Пармаын эм йöра, ош, ур, кынь, кöр, ондатра, сьöдбöж, вурд. Ю озыр сьöмгаöн, сигöн, пелядьöн, ком, ельцом, сын, ёдi, ёкыш, сир.

Удора – зэв мича му сöстöм юясöн да тыясöн, дзордзалана видзьясöн. Зэв дöзьöританöн лоö вöрса заказник Корабельнöй тiль (сулалö Удора районлöн лунвыв-рытыв вылын).

Медбöръя кадö Удора дорö эм интерес рубеж сайса компанияяс. Сíдз, сотчан сланец вöчöмöн Индияысь специалистъяс, водзö вылö найö кöсйöны восьтны районын ассьыныс предприятиеяс. Инвесторъясöс интересуйтö стрöитчан кöрт туй «Белкомур», код сетас петöм саридз порт дорö.

Нöшта öти вариант экономика сöвмöмлы— туристическöй бизнес. Мича вöрзьöдлытöм вöръяс кажитчöны иностранечьяслы, районса веськöдлысьяс матысса кадö думайтасны туризм вылын.

Источник:

udora.info