Габова Елена Васильевна (Столповская Елена Васильевна) чужис 1952 воын июнь 7 лунö Сыктывкарын. Лоö коми гижысь Николай Поповöс (Жугыльöс) ыджыд батьöн шуысьöн. Помалic Сыктывкарса первой номера школа. Бöрынджык - кинематография кузя Ставсоюзса государственнöй институтлысь сценарнöй факультет.

Йöзöдic челядьлы лыддьöм вылö дас небöг, кодъяс петалiсны Москваын, Киевын, Сыктывкарын («Гришуня на планете Лохматиков»,
«Двойка по поведению», «Тайкина тайна», «Варенная сосулька», «Никто не видел Рыжего», «Не вставайте с левой ноги» да мукöд). Кык небöг петлic Японияса öти издательствоын.

Гижö медсясö челядьлы. Висьтъяс да повесьтъяс йöзöдcьылicны «Юность», «Костер», «Слово», «Советская литература», «Таллин», «Шестиклассники» (Токио) да Коми муын петысь журналъясын.

Гижöдъяссö вуджöдöма английской, немецкой, украинской, финской, японской, венгерской да Россияса йöзлöн кывъяс выло.

Нималö и кыдзи роч вылö вуджöдчысь. Вуджöдлic Владимир Тиминлысь «Эжва Перымса зонка» повесьт, Алексей Поповлысь, Елена Козловалысь висьтъяс, Геннадий Юшковлысь мойдъяс.

Повесьтъясысь да висьтъясысь сетöма литература юкöнын Коми Республикаса Государственнöй премияса лауреат ним. «Никто не видел Рыжего», «Не вставайте с левой ноги» небöгьясысь - Владислав Крапивинлысь международной литературной премия.

Коми Республикаса заслуженнöй уджалысь, Российской Федерация культураын заслуженнöй уджалысь. 1989 восянь Россияса гижысь котырса член.

.

Е. В. Габовалысь гижöдъяс позьö лыддьыны танi:

.

Мукöд гижöд позьö лыдьыны Национальнöй электроннöй библиотека сайт вылысь