(30.09.1866-20.01.1926) чужиc Вöлöгда губерниялöн Усть-Сысольск карбердса Давпон грездын (oнi Сыктывкар). Велöдчис Усть-Сысольскын уездcа училищеын, помалic Тотьма карын велöдысьясöc дасьтан семинария. Та бöрын уджалiс Вятскöй губернияса Холуницкöй заводын, вöлi писарöн Кöрткерöсын. Водзö велöдчис Вöлöгдаса реальнöй училищеын да Петербургса вöр институтын, недыр кад велöдic манастырын. 1896-öд воö пырис велöдчыны Киевса университетö, сэсся вуджис Петербургсаö история-филология факультет вылö. 1901-öд воын помалic университетсö да лои сэнi велöдысьöн. Велöдчигас пыдiсянь туялiс коми йöзлысь олöмcö да лöсьöдic научнöй гижöд. 1911-öд воö лои профессорöн. 1908-öд воö академик В.М. Бехтерев корис К. Жаковöс уджавны психо-неврологическöй институтö. Велöдic сэнi 1917-öд воöдз. 1917-1926-öд воясö oлic Псковын, Юрьевын (Тарту, Эстония) да Ригаын (Латвия).

К. Жаков гижис роч кыв вылын. Медводдза гижöдъяссö - кывбуръяс, очеркъяс, висьтьяс вöлi йöзöдöма ХХ-öд нэм пуксигöн Петербургын («Парма» небöг лэдзанiнын). Зэв тöдчана да гижысьöс паськыда нимöдана уджъясöн лоины «Сквозь строй жизни» повесьт да важcя коми йöзлöн олöм йылысь «Биармия» поэма.

Kулic К.Ф.Жаков Ригаын, дзебисны Покровскöй кладбище вылö. 1990-öд воö выльысь дзебисны Сыктывкарын.

К. Ф. Жаковысь гижöдъяс позьö лыддьыны танi: