Канев Андрей Валерьевич – гижысь, поэт, чужис 1963-öд воö март тöлысь 3-öд лунö Княжпогост районса Ачим посёлокын.

1980-öд воö помалiс Кöрткерöсса шöр школа, велöдчис Сыктывкар университетса филология факультетын, служитiс армияын. Та бöрын уджалiс школаын роч кыв да литература велöдысьöн, «Вечерний Сыктывкар» газетлöн корреспондентöн да отделöн веськöдлысьöн, «Асыв» газетлöн да «Вестник культуры Республики Коми» журналлöн шöр редакторöн, веськöдлiс В. Савин нима Коми канму драма театрлöн литература юкöнöн, Коми Республикаса культура министерстволöн юöртана пресс-службаöн, вöлi «Октябрь» кинотеатрлöн директорöн.

Гижö кывбуръяс да проза, йöзöдсьö 1982-öд восянь. Гижöдъяссö вуджöдöма коми, англия, венгр, мари, удмурт кывъяс вылö. Ачыс вуджöдiс роч кыв вылö коми авторъяслысь гижöдъяссö. Россияса гижысьяслöн Союзса член (1995-öд вося стипендиат), Россияса журналистъяслöн союзса член, 1998-öд восянь нёль во вöлi Коми наука шöринса аспирантöн, 2000-öд восянь Санкт-Петербургса наукаяс да искусствояс Петровскöй академияса член.

Боевöй действиеясса ветеран, эз öтчыд вöвлы Войвыв Кавказын, эмöсь канмулöн да ведомствояслöн наградаяс. Öнi служитö МВД-ын, отделса начальник, майор. Олö Сыктывкарын.

А. В. Каневысь гижöдъяс позьö лыддьыны танi:

.

Мукöд гижöд позьö лыдьыны Национальнöй электроннöй библиотека сайт вылысь