Вьюхин Валерий Николаевич чужлiс 1941 вося август 4 лунö Вологда обласьтса Ыджыд Исток грездын.

1961 воын помалiс авиационно-техническöй училище. 1974 воын - уджысь орöдчывтöг А.М.Горький нима Литературнöй институт. 1997 воöдз уджалic Сыктывкарса авиапредприятиеын ИЛ-14, АН-10, АН-12, ТУ-134 самолётъяс вылын бортмеханикöн. Лэбалiс 16500 час. Уджсö донъялöма «Отличник Аэрофлота» знакöн. 1998 восянь - Коми научнöй шöринса сотрудник. Уджалiс «Коми Республика» энциклопедия лöсьöдöм вылын.

Медводдза кывбуръяс йöзöдic «Молодежь Севера» газетын 1963 воö. Тайö кадсяньыс Сыктывкарын да Москваын сылысь йöзöдöма вит небöг: «Тяготение» (1973 во), «Кровная связь» (1978 во), «Земное небо» (1981 во), «Поколение» (1991 во), «О тебе» (2003 во). Сылысь кывбуръяссö йöзöдлicны «Север», «Знамя», «Наш современник», «Крешатик», «Войвыв кодзув» журналъясын, уна лыда альманахъясын да öтувъя сборникъясын, центральнöй да республиканскöй газетъясын. Уна кывбур вуджöдöма коми кыв вылö. Аслыспöлöслун, мелiлун, сьöлöмсянь петана кывъяс - татшöм подулыс поэтлöн гижöдъясын.

В.Н. Вьюхин 1979 восянь Россияса гижысь котырса член. Коми комсомоллöн премияа лауреат, Коми АССР-са культураын заслуженнöй уджалысь (1991 во). Наградитöма «За заслуги перед Отечеством» орденлöн мöдöд степеня медальöн.

В. Н. Вьюхинысь гижöдъяс позьö лыддьыны танi: