Коми Республикаса Национальнöй музыкально-драматическöй театр вöлi котыртöма 1992 воын кыдз фольклор театр, кодлöн могöн лоö национальнöй культуралысь самобытносьт да национальнöй кывлысь видзöм. 2005 вося августын нимсö вежöма «Коми Республикаса Национальнöй музыкально-драматическöй театр» вылö. Театр репертуарын спектакльяс коми поэт да гижысьяслöн произведениеяс серти. Театр видзö медбур образецъяс классическöй коми драматургиялысь быд жанрын. На костын йöзкостса драма жанрын спектакль “Дорйысь - кутысь Ен мам” (“Заступница небесная”), музыкально-эпическöй поэма “Керча-ю Кoзяин” (“Хозяин Керча-реки”), музыкальнöй комедия “Ар - гoтрасян кад” (“Осень - время свадеб”), мифологическöй сказ “Йoла гор” (“Звучание эха”), современнöй драма “Кык бать” (“Повесть об отцах”), комедия «Макар Васька – сиктса зон» («Озорник»), легенда-быль «Но-о, биа бордаяс!» («Ну-у, залётные!»), челядьлы сказка “Зарни сюра кoр” (“Златорогий олень”).

Театрöс радейтöны оз сöмын республикаын, но и рубеж сайын. Коми Республикаса Национальнöй музыкально-драматическöй театр – уна конкурс да фестивальясын лауреат.

2005 воын спектакль «Эзысь шабді» («Серебро льна») вöлi медбур спектакльöн фольклорнöй театрлöн «Русский остров» фольклорнöй театръяслöн Международнöй фестиваль вылын Москваын. Театрлöн символ – лöз джидж - тар, код лэбö шондi дорö. 19 во чöж уджалiгöн тетр пуктiс 50 спектакльысь унджык.

Театрлöн художественнöй веськöдлысь Российскöй Федерацияса нимöдана искусство деятель, Коми Республикаса йöкостса артистка, Коми Республикалöн Государственнöй премия лауреат - Светлана Горчакова.