Территория: 18,4 сюрс кв. км

Войтыр лыдпас: 17,009 сюрс морт (Комистат серти 2021 вося январ медводдза лун вылö)

Изьва район сулалö Коми Республикаса войвыв-рытыв юкöнын. Административнöй шöрин- Изьва сикт, 544 километра сайын Сыктывкарсянь, Изьва юлöн веськыд крут берег вылын. Районын 10 сиктса администрация.

Сыктывкарöдз туй — 544 километр, медматыс кöрт туй Ираель станцияöдз— 102 километр.

Изьва район пырö Ылi Войвыв районъяс лыдö. Сыкöд матын Чилимдìн, Усинск, Сосногорск, Удора, Ухта, Княжпогост районъяс.

Изьва районлöн промышленносьт – тайö вöр, мусир перъян да сеян. Видз-му овмöс йитчö картофель да йöв-яя пемöскöд. Кöр видзöм — традиционнöй отрасль коми-изьвасаяслöн. Кöр видзöм Изьва районын петкöдчö ПСК «Колхоз «Изьваса кöр видзысь», а сìдзжö войтырлöн личнöй кöръясöн. Район нималана аслыспöлöс культураöн коми-изьвасаяслöн, танì кольöмаöсь йöзкостса традицияяс, сöвмö йöзкостса промысел.

Изьва район озыр спорт традицияясöн. Нимöдìсны район став мирлы татшöм спортсменъяс, кыдзи Василий Рочев, Раиса Сметанина, Александр Ануфриевда мукöд.